Nupi/pasal (Chungkhar dirh) ahhin van chiat/that hi a um tak ko maw ?

 

Mui le sam he zong a pehtlai lo ..ngeih le chiah zong a pehtlai lo ..fim thiamnak he zong a pehtlai lo ..chim thiam le um tu thiam he zong a pehtlai lo.

Nupi/pasal zohthiam zong he a pehtlai lo ..zeihmanh he a pehtlai lo ..minung pakhat cu zeitindah ka tahchunh lai timi kong ah a ngah lomi cu nupi/pasal vaan hi a si ko.

I thitumh hlan ahcun mi tha a si ko nain i umh hnu ah hman awk tlak lomi cu chungkhar dirh vaan a si . Umh hlan ahcun sual tuk nain umh hnu ah a tha mi cu chungkhar dirh vaan a si ko .

Minung pakhat thlennak hi a fawi lo ngai mi a si . Ho hmanh nih an sersiam kho lai lo .A mah pumpak thlen duhnak lam a zulh lo le Pathian a theih hmasa lo cun thlennak a chuak kho lo.

Mah pumpak in thlennak a duh lo chung poh cu zeiti tha chuah i tuah piak awk tha mi a si lo . A tha bik in zuam zong ah fahnak le palhnak cu i hmuh le pek zungzal a si rih ko .

Chungkhar dirh kong ah a vanchia mi cung ah ..cu na tuah lo ruang ah ..kha na chim khawh lo ruang ah tiin chimh ding a si hlei lo .

A zuamnak cu a mah nih a theih bik ko ..a fahnak zong a mah nih a theih dih ko ..cucaah a mitthli tlak caan ah hnawh piak ..lungretheih caan ah kuh le thazaang pek ..lung li leng caan ah umpi i nuamhnak pek kha a si ko caah zei dang kong ah fahnak tamtuk i pe ti hlah .