Nunnak cu tangkaa in cawk a timh nain thihnak nih tuan tuk ah a rak phak mi vawlei cung minthang Micheal Jackson nih zeitindah a nunnak a rak zohkhenh...

 

Vawleicung minthang ah tutiang roling le mipi sinah hmunhma a la kho rih tu Micheal Jackson cu a minthan nak le rumnak le vawlei sining cung ah a tha bik le a si khawh chung in a rak i zohkhenh tu pakhat a rak si.A nunnak humhimnak ding ah a ngandamnak kong ah zeitluk in dah a rak i zohkhenh ti cu atang lei ah kan langh ter lai . Asinain nunnak cu a rak caw kho hrim lo .

Micheal Jackson cu kum 150 tiang nun ka duh a ti tu a si . CUcaah a sam par in a ke dong tiang a ngandamnak zohfel tu ah chungkhar ah Doctor 12 a chiah hna .

Nifatin a ei ding mi ti rawl kong ah datkhuakhaan ah tha tein zohfelnak an tuah hnu ah a rak ei. A pum dawhnak le ngandamnak caah riantuan tu 15 zong arak chiah hna .

A ihnak khaan ah oxygen a zatawk in a umnak dingah fimthiamnak zong in an rak hman . Sii thiamnak le in a pum chung thilri thlen a herh tikhah ready in a chiah cia dih hna . A pum hlu tu ding hna minung hna cu ei le din le nunnak a cawm dih hna.

Cuticun a tha bik le a kamkip a zohkhenh ko nain kum 150 tiang nun a tim mi Micheal Jackson cu 2009 kum June 25 ,a kum 50 ah a lung riantuannak a dir .A chungkhar Doctor 12 tel in a dang doctor zong nih an zoh cu a nunnak an khamh kho ti lo .

Kum 25 chung cu Doctor chim ning zulh loin kar khat zong akal mi a si lo . Kum 150 tiang nun a duh tukmi cu 55 kum tiang lawng a nung ko .

A ruak cu minung taan 2 le cheu leng nih an zoh caah tu tiang ah minung tam bik ruak zohtu a si tiin record chiah a si . Minung ting 8 leng nih Micheal Jackson tiin voikhat lo ah Google ah an rak kawl.

Micheal Jackson nih cun thihnak cu a doh ko nain thihnak tu nih a mah cu a doh chin ko . Cucaah hi vawlei thilri hna i kan caah an tha tuk ko nain thilri hnulei lawng te kan zulh ..chun/zan in kan zulh .."ka inn, ka motor "tiin kan i uangthlar mi hna cu thihnak nih a nihchuak tuk men lai ..

Rum kha doh siloin tangkaa lawng te duh i lungthin lawmhnak kawl lo kha a poi tukmi a si . A herh bik mi cu kanmah sining cu i cohlan thiam ,lung nuam tein um khawhnak dingah tuah ding simi tuah kha aherh bikmi asi .