Nungak zong nih , nu tung zong nih hi ca hi rel bak ding hrim asi ….na dawt mi caah share philh hlah !

 

Nungak ,tlangval aduh daw mi zong, chungkhar dirh cia mi zong nih hi ca hi rel bak ding asi …Chungkhar timi cu vate pahnih zuangti tluk asi . A ngan deuh a hme deuh aum lo . Hmunkhat in kal mi khual lam asi . Hmai aphan mi nih hnu atang mi kha hngah khawh ding zong kha lungsau pakhat asi .

Nungak tlangval aduh tukmi hna cu College an kai ti an dih in thitumhnak an tuah . An pahnih in duhmi te i co cu an i nuam tuk.  Rian tha ve ve an tuan ti , fa an ngei rih lo caah an i umhka cu an i nuam ngai .

Caan tlawmpal ah nau an pawi i fapa an ngei , an nu nih sianginn ka kai ka kai in fa ngeih hnu in ka rian chuah tak cu tiah aduh lo . An pa cu arian ah a zuam tuk i  arian akai cuahmah . Hawikomh le lenglei party tonnak zong ah akal lengmang cang.

An nu nih a fapa cu zung akal hlan ah atimhlamh ,,an pa breakfast ca atuah , amah atim lam i nau um tu sinah an nu nih ava chiah .  Inn a tin in afapa cu ava lak ,an pa herhhai atuah piak , an pa cu rian tam tuk tin zaan ah atin tawn .

An nu zaan ah a fapa hnuk dinh le zan hngilh kho lo , mitkuh cim loin atho zungzal . Zingka ah a tuah kel in atuah .An nu cu aba tuk hringhran . An pa cu ka bawm ve ati zong ah an pa nih ka rian tam tuk ti lawng in achim cang .An pa nih na ba tuk ahcun na rian hin chuak ati , an nu nih aduh ve lo .

Cu tikah an nu cu aretheih ,mitkuh cim lo he a der thluahmah , ngandamnak nih atlinh ti lo . Voi khat cu an pa kha ka celh ti lo cucaah tu thla cu nau ka zoh piak ta tin bawmh ahal .  An pa nihcun an nu dam lo cu ahmuh tikah zeiti awk tha ti lo tin a awt ve.

An pa hi rian kong ah khual zong atlawng zungzal mi asi . An pacu ni thum hnu ahcun ihkhun pawngah ngong nawn in athut cu ahmuh .  A tuan tuk rih ,.,an nu nih ziah na mitku vuai lo maw …a tuan tuk rih hi it rih law tin avan ti .

An pa nihcun lungzur mithmai in kan nu zeitindah hi tluk thla 5 chung hi zeitin dah na celh ,,kei zaan thum lawng asi rih i ka celh ti lo .  Tuan tein na sining na ka chimh lo , ka rak in bawm hnga lomaw .A fawi tung lo tin an nu cu a van ti .

An nu biang cungah lawmhnak mitthli aluang . An nu nih aw…kalpi lo awk tha lomi khual lam asi caah ka kalpi mi asi tin an nu nihcun avan ti tikah an pa nih  ka ngaithiam …na cungah ka daithlang tuk . A tu cu kan pahnih in a cheu ve ve kan kalpi cang lai tin avan ti .

Cu hnu cun an pa cu rian dih i party kal zong aum ti lo , inn ah atin colh i a fa le chungkhar sinah caan angeih mi poh apek dih … Zeitlukin zung ah rian sang tlai sihmanh sehlaw inn a tin ahcun ka fa le an pa asi i ka pasal asi kha alangh ter i chungkhar nuam kan si .

Pahnih nak fa kan ngeih zong ah kan i harh ti lo . A ruang cu mi pakhat lawng nih thilrit kha phorh asi lo tikah  kan pahnih in azatceo in kan phorh tikah anuam tuk cang.Chungkha nuam tuk ah kan cang cang .

Zeitluk kan thabat zong ah chungkhar kan phak in anuam dih . A ruang cu theihthiamnak le pakhat le khat caihhmainak kan ngeih khawh ruangah asi .

Cucaah chungkhar le aduh daw mi hna sinah pakhat le khat upat thiamnak le rian cheuh thiamnak a um ahcun zeitluk khual lam sau zong adongh tiang kal khawh asi .

Cu lo i hmunkhat zuang ti dingin na timh lo si ahcun tuan tein nupi /pasal ngeih kha ruat lo ding …