Nu pakhat nih a muisam le sining cu kum (30) a si tiang a dawh rih si ahcun ....

 

Nu simi cu dawh a duh mi le tar a duh lomi kan si hna . Asinain kum le khua nih a pek cang ahcun pumsa le hmai nih a langh ter zungzal ko . Kokek sinak cu hrial khawh a si lo .Asinain kum upa deuh lei i na muihmai zoh dawh na si rih asi ahcun hi thil ruang ahhin an rak si .

NU pakhat i kum 30-35 tiang ah a dawh rih a si ahcun a lungthin chung put a that ruang ah a si . Kum 40-50 kar ah a dawh rih a si ahcun a dawh tak tak mi a si ..a chiat ton zong ah a that ton zong ah zeitindah a tei khawh ti ruang ah le amah nih a thim mi a phi chuak ruang ah a si .

A mui hmai in a ton mi thil kong ah hmuh khawh a si . Harnak le sivanghnak tampi a ton buin a muihmai ah panhnak le mirhnak a khat rih ahcun a lungthin a thawng tuk ruang ah a si .

Hi harnak hi zeitikhmanh ah ka nor chih lai ..ka tei lai timi lungthin he a si caah a si .

Harnak si lungretheihnak hna le pawngkam nih harnak pek mi hi a fawi lomi thil a si ko nain thawng tuk le raltha ngai in a tei tu nu cu a hmaan tukmi le a dawh tukmi nu tiin hmuh khawh a si .

A khat lomi vawlei le sining cung ah vawlei harnak hi a tei kho tu nu si ding in sawm nan si ...