Duh/dawtnak leiah mitha lo/lungrep ngei lo he atong mi hna nih an rak miaknak phun (4) hna cu

 

Duh/dawtnak lei ahhin mi tha lawng tehe i ton timi ahar ngai mi asi . A caan ahcun nunnak ah cawnpiaknak tampi ape khotu minung an um hna , Na dawt/duh tukmi tlangval nih leng dang/pa dang apom tikah nangmah lei in miaknak tampi arak um ko .

(1) Thlah khawhnak na ngei lai

Mitha lo he ton cu kanmah leiin zeitluk hmanh in that ko zongah anmah lei in thatnak lehrulhnak aum lai lo , cucaah hiti simi cu ka tlaih peng ahcun fahnak aka pek chin lai ti ruahcia asi caah thlah khawhnak nun an ngei kho.

(2) Mah le mah sunglawi ah chiah

Duh/dawtnak vanchia mi na si ahcun nangmah le nangmah i tlangtlak thiamnak an pek lai .Amah zawn lawng arak i ruah , aduhmi angah in zeihmanh an rel lonak nih mah le mah tha tein zohkhenh an thiam ter lai . Mah le mah sunglawi tein um le khuasak an thiam ter lai .

(3) Ri pakhat chiah khawhnak an ngei

Mi tha lo he ton cu fiang tein ri chiah khawh asi . Ahlan ah zeiti zongah tuar piak le ing piak khawh asi , zei bia fak chim zongah dolh piak khawh asi , asinain ri chiah mi alonh cang ahcun zeitindah lehrulh ding asi ti kha fiang tein atheih cang , khatlei i nehsawh kha aing kho ti lo caah ri khiah khawhnak angei.

(4) Ngaihthiam khawhnak

Mitha lo he ton ahcun ngaihthiam khawhnak lung tam deuh ngeih asi , ngaihthiamnak in mi tei kha mitha lo nihcun an fiang lo , asinain ngaihthiam mi nakin ngaithiam tu an i nuamh deuh kha mi tha nihcun an theih caah ngaihthiamnak nun an ngeih cu asi .