Nungak Pakhat Na Duh Dawt Taktak A Si Ahcun

Nungak Pakhat Na Duh Dawt Taktak A Si Ahcun, A Luancia A Sining Zoh Loin Hmailei Kongtu Zoh

Nungak Pakhat Kha Na Duh Dawt Taktak A Si Ahcun, A Luancia A Kong Lam le a sining Pawl Zoh Loin Hmailei Kongtu kha zoh i zuam, a luancia caan ah zeibantuk minung a va si zongah, kan țangnem cung te a phak cang hnu cun siangpahrang nu bantuk in cohlan i zuam….

Nungak Pakhat kha na duh dawt taktak a si ahcun, virgin a si maw si lo ti mi lunghrinh nak le lungawtawm nak ngeih hrimhrim hlah, mah bantuk lunghrinhnak le lungawtawm nak a ngei mi hna i, duh dawt nak cu a dik mi duh dawt nak si loin, pumpak diriamhnak ca lawng ah mi duh a hmang mi an si.

Tahchunnak ah midang nih an hlawnhcia mi cauk pakhat kha zeitluk hman in tlek cang seh, chia cang hmanh sehlaw, nangmah nih na rel rih lo ahcun mah cauk cu na caah cauk thar a si ko, nangmah kutcung a phak hnu tu ah tlek ti lo ding in tha te tu in na zohkhenh a hau….

Nungak pakhat kha na duh dawt taktak a si ahcun zeitik hmanh ah nangmah pumpak diriamh nak caah a nunnak va hrawk bak hlahci, nai sum khawh lo tuk i diriamhnak nan tuah si ahcun a nun chung na zohkhenh ding a si, cu bantuk thil na tuah cu patling, pasal tha na si nak na langter a si. Lai mi nih phungthluk ah kan ngei mi cu “Pasal Ka Biakam Le Tlahtlem” ti si i, Nu pakhat sinah Biakam nak na pek cang mi kha na thih hlan lo tiang na feh ter a hau.

Mah ca na rel nak thawng in na nungak na tlangval cungah na ngeih mi dawtnak a feh chin tertu asi khawhnak dingah i bawm hram ko seh.