Ngatainu Tuanbia

Hlan lioah khua pakhat ah nufa an rak um. A fanu a min ah Nga Tai tiah a auh. Nga Tai cu aa dawh tuk ah hin a hmutu paoh nih a duh lotu an um lo, zoh an rak cim kho hrim lo.Mikip nih an dawt, a pumrua ?hat le a tungtai aa rem pinah a hmaithlak hrim hi a rak i dawh tuk ti a si. A mitmu hrimhrim hi ?hipum fang dawh in aa dawh i a mit au hi zingni ceu bang a rak i dawh ti a si.A samthlai nih le rem zia, rem zia, a ziaza nih le ?ha kaw, nu sinak a tlinh pinah a aw a nem i a pawngkam a ummi paoh nih an lawmh dih tawn ti a si.

Kum khat cu ruahpi a sur ciammam i a han kho ti lo. A fak chin lengmang i ti kha a lian thluahmah i an inn le an lo zong kha  aphum thluahmah.Mi vialte kha an inn an lo chuah taak in ti nih a phak rih lomi tlang cungah an kai dih. A kai kho lomi cu ti nih a phum hna i an thi len cang. Ti cu a ?hang chin lengmang i tlang cu phum dih a timh cang.Saram pawl zong tlangsannak cu an hun panh cio. Minung le sa?il saram hna cu tlang a sannak bik ah cun an i sual len hna. “Zeidah a cang hnga?” tiin zapi cu khuaci mui in an ?ap, an ai, an hram len.Ti cu a ?hang chin lengmang i “Tai, Tai, Tai” tiah Nga Tai min chim pah in tlangpar cu a hun naih chin lengmang. Ti aw thawng cu an theih tikah “Ti nih hin Nga Tai hi a duh caah a si ko,” tiah an ruah.

A sam pakhat an phawi i ti lak ah an thlak. “Tai” a ti i ti cu tlawmpal a hung zor. Asinain a rauh hlan ah a hung ?hang ?han. A angki an thlak ?han. “Tai” a ti i ti cu a hung zor deuh nain “Tai, Tai” a ti i a hung ?hang chinchin ?han ai. Cu ticun Nga Tai sam le thilri le a hnipuan cu an thlak dih cang.Ti cu “Tai, Tai” a ti ?han i tlangah a hung kai chin lengmang. Khuakhan awk an hngal ti lo i a donghnak ah mi vialte thihnak cha cun minung pakhat thih a ?ha deuh lai an ti i Nga Tai cu thlak an timh.Asinain a nu nih, “Kanmah sual ruangah kan tonmi a si ?ung lo, zeiruang ah dah ka fanu theng cu kan thlak in kan thih ter lai,” a ti i a siang lo. A fanu cu fekte in a tlaih i zapi he an i chut len, a donghnak ah an chuh khawh i Nga Tai cu a ?ah a ai bu in tilian ahcun an hun paih.

Tilian chungah cun Nga Tai cu a hung pil zuahmah. A nu nih a ?ah bu le a hram buin, “Ka fa dawt sian lo Nga Tai aw... nang ngami ah hung i cang law,” tiah a cah ta, ti a si. Nga Tai cu tilian nih a hun khuh a hun zual i ti chungah cun a pil zuahmah i ti zong a ?um zuahmah i a hlan kel te a si ?han, ti a si.Nga Tai cu a nu bia bang ngami ah a cang taktak. Cucaah ngami cu minung bantuk in hnuk a ngei i taw zong a a ngeih venak a si an ti. Nga Tai nu cu a lung a leng tuk. A fanu zun in a zaw zungzal, ti a si.A fanu zun cu a tuar i ei le din zong zuam lo le ?uan zaang tlung loin a um. Mitthli he fing le tlang kip a cul tawn. Aa chokvak lengmang i tlangsang kip hin khua za a cuan tawn.A umhar le a lunglen celh loah thiam tal ka baang lai a ti i thiam ?ial baannak dingah tlangsang le tlangdawh a kawl i a donghnak ah tlangdawh ngai pakhat a hmuh i cuka cun thiamtah aa thawk.



Thantlang peng Khualhringtlang chungah tlangsang ngai pakhat a um i, cu tlang cu “Ngatainu Tlang” tiah atu tiang auh a si. Pupa chan ahcun Nga Tai Nu thiam ruak zong a rak um, an ti. Nga Tai Nu Tlang cun thiam a tak i Falam peng Ramthlo khualu Zinghmuh tlang ahkhin a thiam tlang a rak sih.Nga Tai nih a nu thiam a tah le a lunglen kha a theih tikah minung in a hunglang i a nu cu a hung veh tawn, ti a si. A nu sin a phanh tikah a tai tang cu nga a si i a tai cungcu minung a si.Minung bantuk in minung sinah um awk a ?hat lo caah caan sau um loin ti chungah a kir ?han tawn. A nu a thih hnu zongah Nga Tai cu tlang ah a kai tawn i a nu um tawnnak kha lungleng le ngaihchia in a rak cul tawn.

Kha ti tlang i a kai kha minung nih an hmuh tawn i ngaknu dawh tuk a si fawn. a tai tang nga a si fawn tikah a hmumi kip an khuaruah a har i a min ah Ngatainu tiin an auh colh ti a ti.

Crd: CACC