Hlan Lio Taluk Mifim Hna Nih Fale Sin ah Chim Lo Ding Tiah An Khap Mi Bia 5

Hlan Lio Taluk Mifim Hna Nih Fale Sin ah Chim Lo Ding Tiah An Khap Mi Bia 5

1. A Hartuk 难

A hartuk timi bia hi hlan lio Taluk mifim hna nih an fale siseh an tuu le sihnaseh an hmai ah chim lo tiah an ti mi bia asi. A hartuk ti mi bia chimh tikah buainak a um mi silo ah harnak a um mi kha zeitin dah kan tlamtlinter khawh lai timi thazang chuah nak a zawrter, cu ruangah a hartuk timi bia hi an fale siseh an tuu le hmai ah chim lo dingin an ti mi bia asi.

2. Ka Tuah Kho Lo 不会做

Ka tuah kho lo timi bia hi an fale siseh an tuu le sihnaseh an hmai ah chim lo dingin an khap mi bia asi. ka tuah kho lo ti mi bia kha fale hmai ah kan chim tikah an i cawn ve lai ii thil an tuah mi cungah zuam duh nak thinlung an ngei sual lai lo ti an phan caah an khap nak asi. Kan tuah cuahmah mi thil pakhat kha ka tuah kho lo ti mi lungput kan ngeih ahcun i zuam duh nak thinlung a zawrter ngai tu asi caah asi.

3. Ka Tha Dih 灰心

Ka tha dih ti mi bia pakhat kan chim nak thawngin kan pawngkam ah a um mi kan fale siseh kan tuu le sihnaseh an lung a zawrter khawh mi hna asi caah mah bia hi chim lo dingin an khap nak asi.

4. Ka Um Har (or) Thathut 懶

Ka um har tuk ti mi le thathut ti mi bia hi hlan lio Taluk mifim hna nih an fale siseh an tuu le hmai ah siseh chim lo dingin an khap mi bia asi. Mah bia hi nuamhseihnak zongah siseh, capo nak zongah siseh kan chim tikah kan tuan mi cungah tuanvo lak khawh lo nak a langhter khawh mi asi caah asi.

5.Ka Batuk  累

Ka batuk ti mi bia zong hlan lio Taluk mifim hna nih an fale hmai ah siseh an tuu le hmai ah siseh chim lo dingin an ti mi bia asi. Mah kan chim tikah kan taksa kan thinlung ah tha uai nak a chuahpi i, cu tikah ngakchia hna nih an i cawn sual lai tiah chim lo dingin an ti mi bia asi.

Taluk miphun hna hi vawlei cung ah thilzuar nak lei he pehtlai in a thawng ngaingai mi an si cu kan hngalh dih cio mi asi. a hlei in kum 2015 chungah Taluk ram chungah mirum tampi an chuah ii, hi hnu kum caan a sau deuh ahcun Europe le American ah a um mi mirum hna hmanh an lawnh te men hna lai tiah ruah mi miphun an si.

Kan nih Laimi zong nih hi bia phun 5 hi kan fale hmai ah siseh kan tuu le hmai ah siseh chim lo dingin kan i ralrin ahcun a tha ve ngai lai tiah catialtu pumpak nih ka ruah ve. Nang zong mah bia phun 5 hi na fale hmai ah siseh na tuu le hmai ah siseh chim lo ding si ko tiah na ruat ve maw?

#Crd-Happy Life Project

#Photos-google